廣中醫好定HKCC讀理副學士好

[TOTO123]

請問讀廣中醫好定留港讀HKCC理副學士好?

1.將來既前途邊個会好D?

2.HKCC讀理副學士升返本港大學難5難?(如果留港想博返上本地大學....)

3.邊個難讀D?

希望大家可以比D意見

[963258147]

我覺得,可能HKCC會好一些,因為HKCC嘅science幾好 我有個朋友讀CC都可以升返上去U(雖然係好幸苦)加上 係香港讀個環境點都熟悉啲會好過返大陸 係大陸啲生活未過過 可能會好難適應。
再加上 中醫唔係人人都讀到 廣中醫係大陸 都算唔錯嘅大學 課程會比較難 一般無心讀嘅學生 去讀根本讀唔來 我有個朋友 返咗大陸讀(雖然唔係廣中醫) 佢膽粗粗佢咗武大讀 佢返來話啲人太勁 根本讀唔來
最後 關於廣中醫嘅 我記得 中醫既執業試都幾難考 如果返來香港考到 就白曬四年。
以上係我個人嘅感想 你自己參考下啦

[孤獨的我]

對於 CC好or廣中醫好 我個人 比較認為廣中醫好
首先 你問前途邊個好 點睇都係中醫好。由於 係香港你想要讀中醫DSE分讀要有26分 可見中醫係一份吃香既科目。對比起CC CC只不過係副學士 升唔升到上去大學 都係未知知數,就算比你升左上去大學 又如何? 出來做嘢 都只係 會係比人多500蚊既sales。另外 中醫 係香港既前景真心唔錯 第一 政府有意開辦中醫院 到時中醫師係市場既價值 一定會大大提升, 第二 依家 中醫越來越受歡迎 唔似以前 得D老一輩會去睇 一D年輕人 都會去睇 如果我冇記錯 我屋企附近 近呢幾年都新開左3間 中醫陳所 我有時行過 發現 入面雖然唔可以話係座無虛席 但人數絕對唔會少過西醫陳所。至於 HKCC 讀唔上大學又搵唔到專門既工 讀到都未必搵到。
第二 難
第三 你問邊個會難D 我覺得 兩個既難度都差唔到 但係 廣中醫叫難得有價值(以上都講左) 有一點好重要 如果你英文本身唔好 儘量儘量儘量 唔好簡HKCC 因為成打英文比你睇 會睇到你癲。
加油!

[TOTO123]

請問有無讀緊廣中醫既師兄師姐比到意見我><?

[經驗之談]

去大陸讀中醫的劣勢:a呢幾年滥收生,質素成疑。b五年本科加回港一年考牌,六年却只有不过50%機會通過c没碩士學歷難揾工

[yamhlm]

我係第1屆DSE既 黎緊係廣中醫升year 4
學校濫收生呢個情況真係發生過 但唔代表個個都係無心讀 對中醫有濃厚興趣既人+努力讀書既人大有人在
好多老師都樂意解答我地港澳台生問題 甚至俾我地課餘時間去跟診添
其他大學課程難唔難我唔知 但廣中醫課程唔會話太難 肯努力真係無話跟唔到喎
雖則話香港執業試難合格 但相對HKCC出路而言 讀中醫算係學左一門技能先啦 對將來既生活大有幫助
同埋以香港將來中醫既前景黎講 我覺得搵工唔會係好難 因為睇得政府擺多左資源係中醫度
讀HKCC除非你肯定你讀完會升返大學, 否則無信心會升返大學既話, 我真係覺得你讀副學士係哂錢哂時間哂心機
以學到野同前途黎講, 廣中醫肯定優勢過HKCC

[經驗之談]

港生在内地中醫毕業搵工難是尊家之言,香港注册中醫師栛會副會長黄賢棣曾在去年十月份在明報發文提醒政府正視(多家媒介有轉載)。對於中醫唔難學,是因為學校降低了港生的要求(這也是回港考執業试通過率低的原因),如與内地生同一试題,會怎樣?

[yamhlm]

港生在内地中醫毕業搵工難是尊家之言,香港注册中醫師栛會副會長黄賢棣曾在去年十月份在明報發文提醒政府正視(多家媒介有轉載)。對於中醫唔難學,是因為學校降低了港生的要求(這也是回港考執業试通過率低的原因),如與内地生同一试題,會怎樣?

已經有報道指出 內地中醫藥學校畢業生考中醫執業試既合格率係高於本港大學就讀既畢業生